Carlos Alba ye un actor especializau n´espeutáculos de narración oral y monologuismu cómicu asturianu.
            Comu monologuista entamóla faciendo un brinde a la tradición con Por falar vencí la güestia, pa siguir cola modernización temático y escénico d´esti xéneru popular con Del chigre, onde trata temes comu les marees ñegres de galipote o la guerra d´Irak. N´Alonsomanía igüa una hestoria entera a cuenta de la sonada marea azul pa finar falando del papel de les multinacionales y de los accidentes de tráficu.
            Entama tamién el camín de la xuglaría en Los cuentos del Quijote y Tejiendo sueños de antaño, onde escenifica histories y cancia coples y romances al son de la bandurria. Tamién, en comuña cola educadora social Vanessa Peña, fae montaxes con vocación pedagógica, comu El Pola torna´l insitutu, p´adolescentes, o Bebecuentos, o De mano yo yera una célula, pa bebés de 0 a 3 años.
            Fae campañes escolares comu sofitu a les asignaturas de llingua asturiana, abarcando los sos espectáculos tol abanicu d´edaes. Comu actor-cuntacuentos tien participao en delles programes de la Rede de Biblioteques de la Comunidad de Madrid, colos espectáculos La aventura de la lectura, d´animación a la llectura, y De color blanco, d´educación en valores, que apocayá fue representada na Biblioteca Nacional dientro de les actividaes paraleles a cuenta de la exposición “A pesar de todo dibujan: la guerra civil vista por los niños”.
            Imparte taller pa profesores de “Narración Oral (cuntacuentos nes aules)” na Fundación Madrid Formació y Empleo (MAFOREM) y de “Monologuismu Cómicu Asturianu”, nel Salón del Teatro Costumista de Candás y otres entidaes.
            Formóse comu acgtore en “Réplika. Academia del Actor”, dirixida por Jaroslaw Bielski. Tamién con José Luis Gómez y Rosario Ruiz (Teatru de l´Abadía), Denis Rafter y Agustín García Calvo. Formóse´n voz, versu y cantu con Jorge Uribe y Jesús Aladrén.
            Trabayó, ente otres, coles compañías Réplika Teatro, Yelmo, Alacrán, La Dios del Sarcasmo y Visitants. Tuvo nel grupu Cháchara-Cuentacuentos (1994-2002). Comu periodista colabora na revista Actores, de la Unión de Actores de Madrid. Tien espublizau el llibru de monólogos Del chigre (Trabe, Uvieu, 2006).